近期全球熱話
必數OpenAI的新技術Sora，可以將文字轉化成長達60秒的高質量影片，而且影像幾可亂真！正當不少人在讚嘆AI技術的超凡進化，布志綸在新歌〈霍金預言書〉中卻高呼I’m Not OK!!
Alan 向來骨子裡就是 Rock 底、有態度，有想法就會表達，今次他就想藉著音樂表達不滿。在未想到不滿的主題之前，他先跟 Don Cruz 創作了今次〈霍金預言書〉的旋律。Alan 說：「因為之前同何超儀一齊做咗個 Show，從而認識咗 Don，因為都幾投緣，就一齊做歌，而我想做一首 Grunge 嘅作品，去講我嘅不滿，但當時仲未諗到要寫 AI 呢個主題。」兩個人由旋律到編製用了大半年的時間，到歌曲成形 Alan便邀請曾為他創作〈飛鳥俠〉的梁栢堅，告訴他想寫一個關於諷刺 AI的歌詞，梁栢堅聽到後也就一口答應.
正當AI給世人帶來便利，不少人趨之若鶩，Alan 卻看到了AI的可怕，他說：「霍金曾經預言AI會毁滅人類，叮囑人類要提防，我都覺得呢個係不久將來會發生嘅事情。如果大家只為AI鼓掌，或者一直只以期待嘅心態去面對，其實都係自己呃自己。」Alan舉例只因為AI的出現，已漸漸取代一些工種，不少公司都裁減人手，有些創作更代替了人類，就如Sora 生成的影片一樣，Alan 續道：「如果我哋只係不停嘩嘩嘩地讚嘆，而唔清醒對待科技，我哋慢慢就會被AI控制，呢個課題係值得大家去思考。」
為了突出歌曲的反諷意味，Alan與Don在製作這歌時，特別在中段加入了霍金以電腦合成音說出「AI會毁滅人類」的言論，Alan道：「我係刻意要將呢一句放返落首歌，等大家可以認真去思考呢個課題，否則我哋好有機會喪失自己嘅真實靈魂。」而歌曲的最後一句歌詞「I’m Not OK」，Alan雖然已經在高唱自己的態度，但歌曲Sharp Cut猶如斷電的收尾，也呼應了Alan預視的可怕狀況：人類已被AI吞佔……
